Отан қорғаушылар күні қарсаңында Пеньков ауылдық кітапханасында «Сіздер үшін, Отан қорғаушылар!» атты шеберлік сабағы өткізілді.

Іс-шараның мақсаты: Қазақстанның Отан қорғаушыларына деген құрметті қалыптастыру, жастардың бойында патриоттық сезімді, жауапкершілік пен ұйымшылдықты дамыту.

Іс-шараға Пеньков орта мектебінің жасөспірімдері шақырылды. Қатысушылар үшін әртүрлі ойындар, байқаулар мен жауынгерлік тапсырмалар ұйымдастырылды. Әр тапсырма ерлік, батылдық, тапқырлық пен төзімділікті талап етті. Балалар топтарға бөлініп, өзара командалық жұмыс жүргізді, бір-біріне қолдау көрсетті. Капитандар топтарының атынан тапсырмаларды талдап, қиындықтарды және жетістіктерді талқылады.

Конкурстар арасында «Епті сарбаз», «Батылдық жолы», «Әскери эстафета» сияқты жарыстар болды. Әрбір байқау барысында балалардың физикалық дайындығы мен ойлау қабілеті тексерілді. Мәселен, «Әскери эстафета» сайысында топтар уақытқа жарысып, кедергілерден өтіп, өзара көмектесу арқылы жеңіске жетті.

Әр ойыннан кейін қатысушылар ойынның қиын немесе оңай жақтарын талқылап, қандай қателіктер жібергендерін және келесі жолы қалай жақсы нәтиже көрсетуге болатынын талдады. Командалар өзара пікір алмасып, топпен бірлесе әрекет етудің маңыздылығын түсінді.

Отан қорғаушылар күніне арналған «Ерлік. Ар. Батырлық.» атты кітап көрмесі ұйымдастырылды. Көрмеде Отан қорғаушылар мен қазақ батырлары туралы кітаптар қойылды. Қатысушыларға көрмеге шолу жүргізілді

Мұндай шаралар балалар үшін өте пайдалы болды: олар өздерінің көшбасшылық қабілеттерін дамытып, өзара сенімділік пен достық байланыстарын нығайтты. Шеберлік сабағы жылы, достық атмосферада өтіп, барлық қатысушыларға ұмытылмас әсер қалдырды.